चैत १९ गते
बासँगढी नगरपालिकाको विभिन्न ठाउँमा सडक विस्तार तथा स्तरोन्नतीको क्रममा खानेपानी आपूर्ति बन्द भएको छ । एक हप्तादेखि खानेपानी आपूर्ति बन्द रहेको खानेपानी अझै सञ्चालनमा आउन दुई दिनसम्म समय लाग्ने बाँसगढी खानेपानी उपभोक्ता तथा सरसफाई समितिका अध्यक्ष लोहारी थारुले जानकारी दिनुभयो । बासँगढी नगरपालिका वडा नम्बर ५ मा निर्मित बासँगढी खानेपानी आयोजना २०६३ सालदेखि आपूर्ति हुदै आएको खानेपानीबाट अहिले राजमार्गको दक्षिण पटि खनाल चोकदेखि नगर अस्पताल सम्मका उपभोक्ताहरु बञ्चित हुन पुगेका छन ।
सडक विस्तार र स्तरोन्नतीको क्रममा सडक किनारामा पहिले जडान गरिएको खानेपानीको पाइप काटिएकोले अहिले धेरै परिवार खानेपानीबाट बञ्चित हुन पुगेका हुन । बासँगढी खानेपानी आयोजना उपभोक्ता समितिका अध्यक्ष लोहारी थारुका अनुसार अझै दुई दिन खानेपानी आपूर्तिमा समस्या हुने बताउनुभयो ।
कतिपय ठाउँमा खानेपानी पाईप मर्मत गरि पानी संन्चालन भएको छ । सडक विस्तार भएका कारण पाइप निकाल्नु परेकोले र पुराना संरचाना नया फेर्नु पर्ने भएकोले काममा ढिला भएको खानेपानी आयोजना उपभोक्ता समितिका अध्यक्ष थारुले बताउनु भयो । उहाँले नयाँ पाइप बिछ्याउनु पर्ने भएकोले सकेसम्म छिटै खानेपानी आपूर्ति गर्ने प्रयास भैरहेको बताउनु भयो ।
