एण्डिज शर्मा (बर्दिया) नेपाली कांग्रेस बढैयाताल गाउँपालिका सभापति भगत नेपाली माथि आज बिहान ५ बजे आक्रमण प्रयास भएको छ । आज बिहान बढैयाताल ६ स्थित घरबाट नेपालगन्ज जाने क्रममा मानझुण्डी सामुदायिक वनमा एक समूहले मोटर साईकल रोकेर आक्रमणको प्रयास गरेका थिए ।
ज्यान जोगाउन जंगलभित्र भाग्ने क्रममा उनी घाईते भएका छन् । उनको नेपालगन्जस्थित मेडिकल कलेजमा उपचार भइरहेको छ । ईलाका प्रहरी कार्यालय मैनापोखरले घटनाको जानकारीपछि अनुसन्धान गरिरहेको जनाएको छ ।
